لا تكحليـن العيـن يثقـل هدبـهـا ...

هي ناعسة من طبعها مابهـا حيـل
لا تكحليـن العيـن يثقـل هدبـهـا
خفي عليهـا ليتهـا تسهـر الليـل
طال السهـر والنـوم كنـه غلبهـا
لي من هدبهـا ذكريـات ومراسيـل
فى ضحكها فى مزحها فـى عتبهـا
تبنى من جروح المواعيـد وتشيـل
هي الجروح اللى تجى مـن سببهـا
لو ان غيبتها مثـل غيبـة سهيـل
لا الجدي مرضيها ولا احـد عجبهـا
تغضي وكن رموشها تجمـع الخيـل
وتنظر وكـن البـرق يقـرأ نسبهـا
لا(( سلهمت)) مالى للسوالف تفاصيل
والمشكلـه لا بينـت لـك غضبهـا
لا ناظرتهـم مـن زعـل بالمظاليـل
كل المجالس صمتهـا صـار ادبهـا
هي ناعسة من طبعها مابهـا حيـل
لا تكحليـن العيـن يثقـل هدبـهـا